Убада
Бажыда товарлардын өтүшүнүн айкындуулугун камсыз кылуу
Убаданын мөөнөтү: 18.05.2019
Аткарылуу мөөнөтү: 31.12.2019
аткарылды
ӨКМӨТ

Бул тууралуу премьер-министр Мухаммедкалый Абылгазиев 18-майда ачык маалыматтарга арналган конференцияда билдирди. 

Өкмөт башчысы өлкөнү санариптештирүүгө багытталган иш-чараларды атап, алдыда пландарга да токтолду. Салык жана бажы кызматын толук түрдө электрондук форматка өткөрүү менен, бажыдагы товарларды көзөмөлдөө мүмкүн болоорун белгиледи. 




Жыйынтык

Быйыл эле бажы бекеттерине 472 видеокамера орнотулуп, беш постко инспектордук көзөмөлдөөчү комплекстер коюлган.

Sputnik. Жаңы жылдан тарта бажы көзөмөл бекеттеринен кандай автоунаа эмне товар ташып бара жатканын президент Сооронбай Жээнбеков, премьер-министр Мухаммедкалый Абылгазиев жана Бажы кызматынын төрагасы Алтынбек Торутаев онлайн режимде көзөмөлдөп турат. Бул туурасында өкмөт башчы парламентте 2019-2020-жылга карата бюджет мыйзамы боюнча баяндама жасап жатып билдирди.

Анын айтымында, учурда жетекчилердин кабинетине онлайн системасы орнотулуп жатат. Мунун натыйжасында бажы көзөмөлү жакшырып, көмүскө иштерге бөгөт коюлат.

"Бажы тармагындагы процедуралардын баарын санариптештирип, ташып келинген товарлардын баарын эсепке алышыбыз керек. Быйыл эле бажы постторуна 472 видеокамера орнотулду. Беш постко инспектордук көзөмөлдөөчү комплекстер коюлду. Өзүм "Эркечтам" бажы бекетине барып көрүп келдим. 10 миллион долларга коюлган жабдык унаанын канча чоң экенине карабай ичинде эмне товар бар экенин аныктай алат. Ал декабрдын аягынан баштап толук ишке кирет", — деди Абылгазиев.

Ошондой эле өкмөт башчы онлайн көзөмөлдөө "Түндүк" системасына киргизилип, ачык-айкындуулук болорун белгиледи. Анын алкагында атайын сайт ачылып, өтүп жаткан товарларды ар бир кыргызстандыктын көрүп туруусуна мүмкүнчүлүк түзүлмөчү.

Убадалардын саны: 36
19.44%
55.56%
25.00%