Башкы прокурор Өткүрбек Жамшитов бүгүн парламентте прокуратуранын 2018-жылда аткарган иштери боюнча отчет берүүдө. Эске салсак, ал кызматка 2018-жылдын 26-майында келген жана мыйзамга ылайык, жыл сайын отчет берүүгө милдеттүү. 

Отчеттон соң суроо-жооп сессиясына өткөн мезгилде "Бир Бол" фракциясынын депутаты Алмазбек Акматов Мамлекеттик лотерея компаниясынын иши тууралуу суроо узатты: "Эки жыл мурда компанияга 50 млн. сом бөлүнгөн. Алардын чыгымы 13 млн. сомду түздү", - деди ал жана анын ишин тактоону өтүндү. Башкы прокурор бул маселени чечип берүүнү убада кылды.