Бул тууралуу "Ата Мекен" партиясынын шайлоодогу лидери Жанар Акаев 6-октябрда журналисттерге билдирди. Ал азыркы учурда бардык фракциялардын өкүлдөрү менен байланышып, чукул чогулууга үндөп жатышканын кошумчалады.

"Биз эртең Жогорку Кеңештин кезексиз жыйынын чакырабыз. Жаңы төраганы шайлашыбыз керек жана элдин ишениминдеги Элдик өкмөттү курайбыз. Кворум болот деген ишенич бар. Түнү менен ошонун үстүндө иштейбиз".