Айылдын тургундары каналды Нарын-Баетов жолу менен түз Нарын дарыясына чейин салдырууну сунушташууда. Ал эми ӨКМдин кызматкерлери айылды айлантып казып кетүү ыңгайлуу экенин айтышып, бирок кандай болбосун каналды казууда жеке менчик короолордон казып өтүүгө туура келгендиктен, жер ээлеринен уруксат алууда маселе жараларын белгилешти.

Облус башчысы А.Кайыпов каналды казып өтө турган жеке менчик короонун ээлери менен сүйлөшүп, уруксат алуу боюнча Учкун айыл аймагынын айыл өкмөтү Жетиген Мокеевге тапшырма берип, бул көйгөйдү келе жаткан жылы чечип берүүгө сөз берди.

«Быйыл чыдап тургула. Эмки жылы бюджеттин долбооруна кийирип каналды кастырталык», – деди А.Кайыпов.